Dirisha la usajili linazidi kunoga huku vigogo wa soka Ulaya wakipanga mikakati ya mwisho kabla ya majira ya kiangazi. Hizi hapa ni tetesi kuu za leo kutoka vyanzo mbalimbali vya habari za michezo:
Arsenal na Chelsea Wamuwania Lewis Hall
Kwa mujibu wa CaughtOffside, Arsenal FC na Chelsea FC wanaongoza katika mbio za kumsajili Lewis Hall kutoka Newcastle United, lakini klabu hiyo haitakuwa tayari kumuachia kirahisi beki huyo wa kushoto.
Raum Aingia Kwenye Radar ya Liverpool na United
Ripoti kutoka Teamtalk zinaeleza kuwa Liverpool FC na Manchester United wanamuwania David Raum, nahodha wa RB Leipzig.
Mustakabali wa Bart Verbruggen
Mwandishi Florian Plettenberg anaripoti kuwa kipa wa Brighton & Hove Albion, Bart Verbruggen anaweza kuondoka majira ya kiangazi huku akichunguza chaguzi mbalimbali.
Chelsea Wamtaka William Gomes
Kwa mujibu wa Sport Witness, Chelsea FC wanataka kumsajili William Gomes kutoka FC Porto ili kuimarisha safu yao ya ushambuliaji.
Liverpool Wampanga Alisson Mkataba Mpya
Football Insider linaripoti kuwa Liverpool FC wanatarajia kumpa mkataba mpya Alisson Becker ili kuendelea kubaki kuwa chaguo lao la kwanza golini.
Wijnaldum Atamani Kurejea England
Kwa mujibu wa Sky Sports, Georginio Wijnaldum anatamani kurejea Premier League baada ya mkataba wake na Al-Ettifaq kumalizika.
Zan Vipotnik Awekewa Bei
Ripoti kutoka Football Insider zinaeleza kuwa Swansea City wameweka bei ya pauni milioni 15 kwa mshambuliaji Zan Vipotnik, ambaye anawindwa na Brighton & Hove Albion.
Real Madrid Wafungua Mlango kwa Gonzalo Garcia
Kwa mujibu wa The Athletic, Real Madrid wako tayari kusikiliza ofa kwa Gonzalo Garcia, lakini hawana mpango wa kumuachia Endrick ambaye kwa sasa yuko kwa mkopo Olympique Lyonnais.
Juventus Yamuuza Lois Openda
Mwandishi Fabrizio Romano anaripoti kuwa Juventus FC wanapanga kumuuza Lois Openda baada ya kumsajili moja kwa moja kutoka RB Leipzig kufuatia kumalizika kwa mkopo wake.
