Klabu ya FC Barcelona imempa mshambuliaji wake Robert Lewandowski ofa ya mkataba mpya, ikiwa ni sehemu ya mipango ya kuendelea kuwa na huduma yake ndani ya kikosi.
Hata hivyo, taarifa zinaeleza kuwa Barcelona inapendekeza mkataba wenye punguzo la mshahara kwa takriban asilimia 50, ingawa umejumuisha vipengele mbalimbali vya bonasi kulingana na kiwango cha mchezaji, ambavyo vinaweza kuongeza kwa kiasi kikubwa kipato chake cha mwisho.
Katika msimu huu, Lewandowski amepoteza nafasi yake ya kuanza mara kwa mara kikosini, huku Ferran Torres akichukua nafasi hiyo katika baadhi ya michezo.
Pamoja na hilo, Barcelona bado inaweka kipaumbele katika kusajili mshambuliaji mpya namba 9 katika dirisha la majira ya kiangazi, hali inayoongeza sintofahamu kuhusu mustakabali wa Lewandowski ndani ya klabu hiyo.
Inaelezwa kuwa mshambuliaji huyo bado ana mashaka ya kusaini mkataba huo mpya, akihitaji dhamana ya wazi kuhusu nafasi yake ndani ya kikosi kabla ya kufanya uamuzi wa mwisho.
Sambamba na hilo, klabu mbalimbali zimeonesha nia ya kutaka huduma yake, ikiwemo klabu ya Juventus .
(Taarifa: @sport)
