Klabu ya Singida Black Stars imeanza kuonyesha ishara za mabadiliko makubwa baada ya hivi karibuni kutangaza kuachana na benchi lake la ufundi na kuanza harakati za kumwajiri kocha mpya.
Kwa sasa, uongozi wa Singida Black Stars umejikita katika juhudi za kumleteua kocha mpya ambaye ana uzoefu wa kimataifa pamoja na ujuzi wa kusimamia timu kikubwa. Miongoni mwa majina yanayotajwa na vyanzo vya soka ni Papy Kimoto Okitankoyi, kocha raia wa Jamhuri ya Kidemokrasia ya Congo (DR Congo) ambaye hivi karibuni aliondoka kutoka post yake ya uongozi wa klabu ya AS Maniema Union.
Majadiliano rasmi kati ya Singida Black Stars na Kimoto yameanza, na uteuzi wake unaonekana kukaribia kukamilika, huku uongozi ukisema anafaa kutokana na uzoefu wake wa kusimamia timu mbalimbali barani Afrika na uwezo wa kuleta mabadiliko ya kiufundi. Ni mara yake ya kwanza kusimamia timu katika soka la Tanzania ikiwa atakubali ofa ya Singida BS.
Tayari majina mengine ya makocha yalikuwa yameibuka kama wagombea wa nafasi hiyo, ikiwemo ya kocha Guy Bukasa, lakini mazungumzo na Bukasa yamegubikwa na changamoto ikilinganishwa na kile kilichopendekezwa na Kimoto. Hii imeifanya Singida BS kuiwekea nguvu zaidi mzungumzo na kocha huyo wa DR Congo kufanya mkataba haraka iwezekanavyo.
